Proyekto Tanki Matrimonio - Maduro & Curiel’s Bank Bonaire

BO PROPIO KAS PORFIN POR TA UN REALIDAT!!

Proyekto ‘Tanki Matrimonio’

Hopi di nos pa un tempu kaba ta soña di tin nos propio kas pero pa un motibu òf otro ainda no a logra esaki.

E proyekto ‘Tanki Matrimonio’ ta brinda bo e oportunidat pa awor bo soño por bira realidat! E proyekto di kas aki ta un kolaborashon entre Bonaire Builders B.V. i Gobièrnu di Boneiru. Meta di e koperashon aki ta pa konstruí kasnan di kalidat, ku ta práktiko, konfortabel i tambe pagabel pa e komunidat di Boneiru ku entrada medio.

E kasnan ta situá den e bario di Nikiboko, pariba di Kaya Macario Sint Jago.

E arkitekto enkargá ku e proyekto aki a tene bon kuenta ku e aspektonan klimatológiko i regional. A base di esaki a diseñá dos modelo di kas. Esta e modelo ‘Kadushi’ i ‘Flamboyan’

NOTARIO

E notario envolví ku e proyekto aki ta mr. Kenneth F. Arends, ku ta enkargá ku e trámitenan di kontrato i tambe ku pasamentu di e akta di hipotek. Ora ku bo risibí e karta di Gobièrnu di Boneiru ku ta aprobá pa duna e tereno den ‘erfpacht’, bo por tuma kontakto òf akudí na e ofisina di notario mr. Kenneth F. Arends, pa konkretisá e trayekto di legalisashon di e derecho di ‘erfpacht’. Notario Arends ta lokalisa na Kaya Libertador Simon Bolivar 5, telefon: 717-1619 òf via e-mail: [email protected]

SPESIFIKASHON MODELO ‘FLAMBOYAN’

Kamber: 2
Baño: 1
Teras dilanti i patras
Área di konstrukshon 89.5m2
Preis: $ 90.000,- (ABB inkluí) pero ekskluyendo gastunan di notario i Banko

SPESIFIKASHON MODELO ‘KADUSHI’

Kamber: 3
Baño: 2
Teras dilanti i patras
Área di konstrukshon 120m2
Preis: $ 120.000,- (ABB inkluí) pero ekskluyendo gastunan di notario i Banko

KONDISHON PA APLIKA

Gobièrnu di Boneiru a buta e tereno di ‘èrfpacht’ aki disponibel pa konstrukshon di un total di 115 kas, pa asina siudadanonan di Boneiru ku tin e forsa finansiero por bini na remarke pa un hipotek pa realisá e kas di nan soño. Pa por bini na remarke pa esaki mester por kumpli ku e siguiente kondishonnan:

E aplikante mester ta un siudadano registrá na Boneiru.
Si e aplikante no ta nasé na Boneiru, e mester ta registrá por lo ménos tres aña na registro sivil di Boneiru.
E aplikante ni su pareha no por ta propietario di un otro kas.
E aplikante mester tin un hipotek aprobá pa por kubri e preis di e kas.

FINANSIAMENTU

Maduro & Curiels Bank (Bonaire) N.V. tambe ta sostené e proyekto ‘Tanki Matrimonio’ brindando bo e promé opshon pa servisio di hipotek i tambe seguronan. Tur persona ku ta kumpli ku e kondishonnan 1, 2 i 3 ariba menshoná por traha un sita na MCB pa asina apliká pa e hipotek. MCB ta ofresé kondishonnan atraktivo ku lo hasi bo soño realidat, ta finansiá 100% e balor di ehekushon, i lo evaluá kada kaso riba su mes. Pa hasi e sita mas efektivo ta rekomendá pa trese lo siguiente di e aplikante i su pareha:

identifikashon válido;
3 último slep si salario;
último 2 statement di banko (si no ta kliente di MCB);
karta di doño di trabou no mas bieu ku 6 luna;
konfirmashon di fiansanan na otro instituto;

Tuma kontakto ku MCB na 715-5520

APLIKA TA FASIL

Evaluá si bo ta kualifiká ku e kondishonnan pa apliká ariba menshona
Hasi bo petishon pa hipotek na Banko, kual tin tur informashon tokante di e proyekto ‘Tanki Matrimonio’
Ku bo aprobashon di Banko pasa na Sunbelt Realty pa sigui ku e proseso

PA MAS INFORMASHON

Pa mas informashon tokante di e proyekto aki por tuma kontakto ku:

Departamentu di asuntunan di tereno di e direktorado Planifikashon i Desaroyo di Gobièrnu di Boneiru. Por yama djaluna, djárason i djabièrnè di 8’or pa 10’or di mainta na telefòn 717 8130.
Sunbelt Realty Bonaire, señora Jenilee Schotborgh i señor Maxim van Dordtmondt, di djaluna pa djabièrnè di 9 or di mainta pa 5 or di atardi na number di telefòn 777 6560.

APLIKA TA FASIL

NO PÈRDÈ E OPORTUNIDAT AKI, APLIKA!